Մեր մասին

MoneyMarket.Am կայքը բանկային ծառայությունների, ֆինանսական շուկայի (արտարժույթի շուկայի, արժեթղթերի շուկայի, դրամական շուկայի), ՀՀ կենտրոնական բանկի գործարքների վերաբերյալ եզակի անվճար հարթակ է, որտեղ հասանելի է ՀՀ առևտրային բանկերի բոլոր ավանդների տոկոսադրույքները, արտարժույթի փոխարժեքները, վարկերը, ոսկու գները, արժեթղթերի շուկայի վերաբերյալ մանրամասն տվյալները, ՀՀ կենտրոնական բանկի արտարժութային ինտերվենցիաները:

Մեր առաքելությունը

MoneyMarket.Am թիմի առաքելությունն է շարունակական տրամադրել ամենաթարմ, թափանցիկ, հավաստի և ամփոփ տեղեկատվություն ՀՀ ֆինանսական շուկայի կարևորագույն ցուցանիշների վերաբերյալ՝ կայքի այցելուներին հասկանալի, մատչելի ու ժամանակակից տարբերակներով:

Կայքի ստեղծման և զարգացման պատմությունը

Կայքի ստեղծման գաղափարն առաջացել է կայքի հիմնադիր՝ Արմեն Հովհաննիսյանի կողմից դեռևս 2012 թվականին, երբ, ուսումնասիրելով ՀՀ ֆինանսական շուկայի տեղեկատվության հասանելիության հիմնախնդիրները, մտահաղացում առաջացավ ստեղծել նոր տեխնոլոգիական լուծումներով հագեցված մի միջավայր, որտեղ կայքի այցելուները ճկուն և մատչելի տարբերակով կարող են դիտարկել ֆինանսական համակարգի վերաբերյալ մանրամասն տեղեկատվություն:

2013 թվական --- գործարկվեց կայքի առաջին տարբերակը՝ ապահովելով ՀՀ բոլոր առևտրային բանկերի փոխարժեքները, ՀՀ կենտրոնական բանկի հաշվարկային փոխարժեքները, բանկերի արտարժութային գործարքները, միջազագային փոխարժեքները

2014 թվական --- զարգացնելով կայքի գործիքակազմը և ընդլայնելով տեղեկատվությունը նոր բաժիններով՝ կատարելագործվեց ՀՀ կենտրոնական բանկի ՀՀ դրամով և արտարժույթով գործարքները՝ ապահովելով ՀՀ կենտրոնական բանկի արտարժութային ինտերվենցիաների վերաբերյալ ամենաթարմ և պատմական տվյալներ, ՀՀ կենտրոնական բանկի դրամավարկային քաղաքականության բոլոր գործիքների և տոկոսադրույքների վերաբերյալ տեղեկատվություն

2015 թվական --- թարմացվեց ՀՀ դրամական շուկայի վերաբերյալ տեղեկատվության կառուցվածքը՝ ընդգրկելով ՀՀ պետական պարտատոմսերով ռեպո գործարքները, բանկերի միջև ՀՀ դրամով և արտարժույթով վարկերը, ՀՀ կենտրոնական բանկի հաշվեկշիռը (փողի բազան), բանկերի պարտադիր պահուստավորման տվյալները

2016 թվական --- ՀՀ պետական պարտատոմսերի շուկայի վերաբերյալ ամբողջական բաժնի շահագործում և կատարելագործում՝ ներառելով առաջնային թողարկումները, տեղաբաշխումների և հետգնումների աճուրդները, պարտատոմսերի երկրորդային շուկայի գործարքները, եկամտաբերության կորերը, պարտատոմսերի գները, առաջնային գործակալները

2017 թվական --- Ոսկու գին Հայաստանում բաժնի կիրառում, որտեղ ներառված են ՀՀ առևտրային բանկերի կողմից գնանշված Ոսկու ստանդարտացված ձուլակտորների գները Հայաստանում, Անկանխիկ մետաղական հաշիվները գները, ՀՀ կենտրոնական բանկի կողմից հրապարակվող թանկարժեք մետաղների գները, թանկարժեք մետաղների միջազգային գները

2018 թվական --- Ավանդներ բաժնի նախագծում և գործարկում, որտեղ արտացոլված են բանկերի ֆիզիկական անձանց համար ավանդները և իրավաբանական անձանց ավանդները ՀՀ դրամով, ԱՄՆ դոլարով, Եվրոյով և Ռուսական ռուբլիով

Շարունակելի ...

Տեղեկատվության ամփոփ կառուցվածքը

Տեղեկատվությունը վերցված է համապատասխան կազմակերպությունների կամ պետական մարմինների պաշտոնական տնային էջերից (կայքերից).

Հետադարձ կապ